aahh, það var gaman að prófa þetta á hljómborðið :-) takk fyrir mig.

Haha, verði þér að því. En verð að að nú finnst mér eggið vera farið að kenna hænunni :-).

Vá hvað þetta var sláandi boring færsla, Hugi. Þrátt fyrir fimm ára tónlistarnámið mitt...

Jújú, það er gömul speki að ástfangið fólk er leiðinlegt. Og ég er ástfanginn. Af djassi.

Mín spurning................. og er hægt að lifa af því? ;-)

Svo verðum við að fá Country&Western útgáfuna af þessu líka. Hvernig hefði Hank Williams spilað þetta?

Lifa af því? Ástfangið fólk þarf ekki að hugsa um svo veraldlega hluti!

Lind, ég ætla að halda áfram að sigla með ríkisflotanum þar til ég verð einn af þessum óþolandi "skuldlausu íbúðareigendum". Ef ég fer ekki út í einhverja vitleysu (eins og kvenfólk) þá ætti allt að ganga vel og ég get dottið í það og sest við píanóið innan sex ára :-). Uss Elías, þetta er challenge. Held að þú sért betur fallinn til að koma með köntrí-útgáfuna.

uss, nei, ég kunni slatta af hljómfræði en passaði mig á að gleyma henni allri aftur þegar ég fór að semja. Ágætt að rifja smá upp, reyndar fór ég aldrei langt út í jazzhljómana.

Nú þarf ég að bíða þangað til ég kemst heim úr vinnunni og get sett fartölvuna mína upp á nýja píanóið stráksins. Þetta ætla ég að prófa. Og ekki skemma málalengingarnar fyrir. Ég hlakka til.

Ég fór fyrst að fatta þetta "jazzhljóma gutl" (sagt með hrokalegum og snobbuðum tóni) þegar ég fattaði að E7b5 væri moll hljómur. Er ykkur ekki kennt að bókstafsmollhljómur er skrifaður með litlum bókstaf? Ó nei, þá fer náttúrulega B og Bb ruglið ykkar alveg í kerfi (Bbminor yrði að bb!). En takkk fyrir afar fróðlegan pistil! Hlakka til að setjast með þetta við píanóið (hef náttúrulega bara heyrt þetta fyrir mér í hausnum ennþá ;-)

Heyrðu góði, passaðu þig að drukkna ekki bara meðan rignir upp í nefið á þér! En vá, ég hef verið eitthvað súr í hausnum þegar ég skrifaði þennan pistil. Gleymdi að merkja hálfminnkuðu hljómana sem moll. Hugsa með hryllingi til þeirra óhljóða sem gætu hafa borist frá hljómborðum lesenda við að spila þetta :-).

"I said to Hank Williams, how lonely does it get? Hank Williams hasn't answered yet"

Moll er þessvegna iðulega skrifaður t.d. E- Bara ef hann Óli sæi þessa bloggfærslu þína! Hann myndi giftast þér um leið!

Línu finnst gaman að Hugi skuli gera það sem honum þykir skemmtilegt. Þrátt fyrir 5+ ára tónlistarnám heyrir Lína enga hljóma þegar hún les textann.. ..en hún stal sér uppskrift fyrir sætu kartöflurnar sem hún keypti í hádeginu, sem meðlæti með rauðvíni kvöldsins. Takk, góða helgi Lína

Haha Sveinbjörn :-). Halldór, veit ekki með Óla. Heldurðu að hann sé hrifinn af mér? Ég hef aldrei þorað að tékka á honum, er hann ekki giftur? Takk Lína! Og nú varð ég forvitinn, ertu í tónlist? Verði þér annars að góðu sætu kartöflurnar. Ef þú valdir uppskriftina sem mig grunar, þá verðurðu ekki fyrir vonbrigðum :-).

sæll, er vinkona ernu hans ingó. hún benti mér á síðuna þína, alger snilld. þú ert virkilega skemmtilegur penni ... btw, mar kannast við jazz-fíknina ;)

Vivian. Takk :-). En "Erna hans Ingó"... Nú veit ég að ég á að vita þetta - en ég veit bara ekki það sem ég veit að ég á að vita að ég veit, nema síður sé. Hver í fjandanum eru Ingó og Erna? Ég geri ráð fyrir að ég þurfi að bíta verulega fast í hnúana á mér þegar svarið kemur fram, - en ég neyðist til að spyrja.

hehe, þú getur sparað á þér hnúana, ég var sennilega bara að misskilja hlutina ;)

Nei, Hugi, er ekki í tónlist, nema þá sem njótandi. Lína hlaut klassískt uppeldi með dansi, tónlist og tannréttingum. Takk, súpan er snilld (berðu hana fram með lárviðarlaufunum í?) Lína

Ég hafði aldrei neinn áhuga á jazzi og skildi eiginlega ekki hvað var svona merkilegt við þessa tónlistarstefnu þangað til ég setti einu sinni Miles Davis á þegar ég var brjálað pirruð og ég held barasta að aldrei hafi tónlist náð að túlka tilfinningar mínar eins vel og þetta skiptið. Að setja jazz á fóninn til skemmtunar skil ég þó ekki.

Ég lærði nú bara swing og shuffle í FÍH

Heyrðu, verði þér að súpunni Lína. Ég tek venjulega lárviðarlaufin úr. Þau eru gjörn á að festast þversum í kokinu á fólki þangað til það deyr úr súrefnisskorti. Sem er náttúrulega bara vandræðalegt í fjölskylduboðum. Mjása, iss, það geta allir lært að elska djass. Manstu hvaða Miles þetta var sem þú settir á þarna um árið? Já, Finnur. En sumir fara þarna til að fara í "tónlistarnám", ekki "trommunám" (haha, það verður aldrei gamalt að gera grín að trommúnistum)

Held það hafi verið Side Car en ekki sjúr