Heyrðu, verðum við ekki bara að stofna félag Foot in Mouth Syndrome sjúklinga á Íslandi? Annars hefur Halldór kallinn alveg sjarmann til að vera sviðstöframaður. Sjáið þið hann ekki fyrir ykkur með Penn og Teller?

Ahahaha, jú gerum það. Ég held að ársfundir hjá FIMS á Íslandi yrðu hinar skemmtilegustu samkomur, fimm klukktímar af endalausum mismælum og misskilningi, það hljómar alveg ótrúlega vel. Og ég sé Halldór svooo fyrir mér á sviði. Ekki í samhengi við orðið "sjarmi" , en frekar í hlutverki vingjarnlegra, heimskulegra trölla. Hann á framtíð fyrir sér, drengurinn.

Ég skal bjóða félaga mínum sem afrekaði það að tala við mig um bókina The Fear Of All Sums einu sinni.

Frábært! Ég skal halda pep-talk um þegar ég var að halda söluræðu fyrir Íslandsbanka og lýsti því keikur yfir að kerfið sem ég var að selja þeim hefði undanfarið ár tekið "stórstígum samförum".

Þetta orðasamband hnýtti hreinlega hnút á heilann minn. Ég er orðlaus...

Heyrðuði af stelpunni sem stóð upp í rútunni eftir starfsmannaferð og sagði aðeins of hátt.... "ohh ég er svo þröng og sveitt!" svöng og þreytt sum sagt ;) (er bara svona lurkari hérna sko ;)

Elín og Hugi, þið bætið svo sannarlega, hressið og kætið. Varst þetta nokkuð þú Elín, í rútunni sko? Freudísk undirpils - sígild skemmtun. Ef Halldór Ásgrímsson getur haldið blaðamannafund til þess að lækka hæsta fjall landsins, getur hann sjálfsagt verið sirkustýpan líka ... Eða, nei.

Við skulum ekki útiloka neitt á þessum tímapunkti - Halldór er ungur ennþá, hver veit, kannski uppgötvar hann snjóbrettatöffarann í sér áður en yfir lýkur. Elín, þessi mismæli. Eru góð. Og núna þarf ég að fara að sofa. Já. Í rúminu. Já.

I'm in! Tölum ekket um það þegar ég t.d. galaði glaðbeytt til húsvarðar í skóla einum sem ég sá rogast með ferðatösku inn í skólann eitt kvöldið - "Hva, kellingin bara búin að henda þér út?!" - sem var reyndar raunin. Úff.

Hahahaha!

oooo ég ætlaði svo að koma samförunum inn í þennan þráð...

En hvað með ógleymanlega mómentið þegar Pedro spurði stórbeinótta (lesist akfeita)kennnarann sin hvað væri að þegar hún sagðist vera að fara á spítalann, og uppskar mikil sárindi yfir því að hafa ekki kveikt á því að konan var við það að fæða barn?

Gott, gott! Ég ætla að fara upp á eitthvað fjall núna, treysti á að hér verði komnar inn ótal sögur þegar ég kem til baka.

Indriðastaðir? Var þetta kannski Ása?

Ég ætla að hóa í félaga minn sem er mismæltasti maður í heimi. Einu sinni fékk hann lánaða bók hjá mér sem hefur síðan aldrei verið kölluð neitt annað en The Fear Of All Sums. Hlýtur að vera martröð stærðfræðingsins.

Kalli góð saga hjá þér í bæði skiptin :Þ Og ég uppljóstra ekkert um hver þetta var í rútunni...he he

Guð minn góður... hvað heitir svona heilkenni? Bloggblinda?

Kalli! Hvað var ég búin að segja um bleikiefnisbrúsan!!??

OG HVERNIG VÆRI AÐ ÉG STAFSETTI SKAMMIRNAR RÉTT!!! (bleikiefnabrúsann..... lol)

vinkona mín gekk eitt sinn galvösk inn í sjoppu og sagði hátt og af innlifun: oohhh, mig langar svo í eitthvað sæðandi! hvað haldiði að hún hafi meint? a. særandi b. seðjandi c. beljandi d. hreðjandi e. gúmmíkennt f. æðandi

Ég ætla að segja beljandi, af því að það passar við sæðandi. Kalli, kannski ert þú eins og Lucy í 50 First Dates þegar þú ert á blogginu?

Baun: mér líst best á hreðjandi... Gestur: ég vona að það sé ekki mikið líkt með mér og Drew Barrymore en ég hef reyndar aldrei séð þessa mynd. Einn kostur við einhleypni er frelsi frá romcoms.

"Beljandi" í samhengi við "sæðandi"? Úffipúff, hvaða karlmenn ert þú að umgangast, Gestur? Ert það kannski þú sem sendir "Ejaculate like a fountain"-spamið sem fyllir hjá mér pósthólfið? Mér líst gríðarvel á "The Fear of All Sums", þessa mynd þarf að framleiða. Dr. Fnord Blurberson, stærðfræðiprófessors við MIT (leikinn af Harrison Ford), kemst að því að með því að taka þversummuna af runu fenginni með því að leggja náttúrulegan logra hverrar prímtölu við grunnfeldi sitt, má fá út tölu sem er alveg óvenjulega ógnvekjandi. Óprúttnir aðilar frá ríkisstjórninni og Samtökum iðnaðarins vilja komast yfir þetta hræðilega leyndarmál og nota það gegn kommúnistum, hippum og samkynhneigðum, en Dr. Blurberson tekst af útsjónarsemi að flýja með því að dulbúast sem garðstóll. Myndin er spennandi og hröð, en segir jafnframt hjartnæma þroskasögu félagslega hefts stærðfræðisénís sem aldrei hefur þorað að horfast í augu við sinn innri garðstól. Og þetta er ástæðan fyrir því að ég er ekki kvikmyndahandritahöfundur.

"Do me lika a lady" söng ein ung mey þegar átti víst að vera "Dude looks lika a lady"

Logi, þetta er reyndar annað fyrirbrigði, en náskylt, og heitir Chronic Lyricosis. Þetta ástand er mjög algengt og brýnt að hjálpa þeim sem þjást af því. Sleppa Harrison Ford og fá einhvern töff leikara í staðinn og þetta gæti virkað Hugi. Fnord!

Bekkjarbróðir minn í leik-skólanum söng af mikilli innlifun og rómans í lokaprófi söngþjálfunar: "Unforgivable, that's what you are....." Allt lagið!! Við félagarnir og kvikindin hristumst hins vegar úti í sal. Á auðvitað að vera Unforgettable - pínu munur - Hnjahaha! Eftir á bar hann við blackout-i vegna hræðslu. (Getur það verið málið með þig Kalli? Blackout vegna....hmm)

Ég dýrka hins vegar handritið Hugi! lol. Hver leikur garðstólinn?

Ég held að Alec Baldwin yrði fyrirtaks garðstóll, það þarf bara að raka af honum hárið, mála hann hvítan og brjóta saman í miðjunni. Hehe, unforgivable.. Ég þjáist annars líka af Chronic Lyricosis, sem er ákveðið vandamál þegar aukabúgreinin er söngur. Spurning hvort maður fær sjúkrastyrki frá FÍH ef CL háir manni í starfi? Daníel, ég fnord hef ekki grænan fnord grun um hvað stelpan fnord hét. En fnord hún var rauðhærð.

Linda: ég kenni fnordunum um.

Hugi, þó. Ég var ekki að reyna að vera þjóðleg-ur. Hugrenningatengslin voru belja og sæða, ég var í sveit sem barn. Já, og einu karlmennirnir sem ég "umgengst" eru á Netinu, til dæmis þú og Kalli, þar sem hið geysihagnýta frotté er yfir og allt um kring. (Kalli, er romcom annað heiti yfir chick flick?)

Ef þið haldið áfram að vera svona fyndnir þarf ég að plasta lyklaborðið, ég frussa svo miklu kóki yfir það. Burp.

Afsakið Gestur, þetta var einkar ó-herramannslegt af mér. Það er orðið of langt síðan ég var við sæðingar og þessi hræðilega, hræðilega beljandi gosbrunns-ímynd úr téðum ruslpósti fylgir mér í svefni og vöku.

Ég verð að játa að það er enn dáldið mystery fyrir mér þetta frotte hans Huga. Ég meina... ég hef hugmyndir – sem ég vil ekki ræða frekar – en nákvæmni í efnisvali og magn efnis stendur dáldið í mér... Og romcom er stytting á Romantic Comedy. Þarf ekki að vera chick flick en ætli þessi mengi skarist ekki all-svakalega?

Ég hef þegar hafið framleiðsluviðræður, og þessa mynd verður að gera. Ég fékk ekki Harrison Ford, en ég get fengið Þór Túliníus á brotabrot af hans uppsetta verði, þannig að ég er þegar búinn að græða milljónir dollara á þessu. Scuse me, while I kiss this guy, dimmdimmdomm dongdongdi

This summer, Þór Tulinius IS Dr. Fnord Blurberson, IN the most amazing thriller you'll ever see. Action, Chairs, Explosions, Chairs, Sex, Chairs, And More Chairs! Showing in all major theatres.

Aha, Ása er rauðhærð. Og alveg afskaplega myndarleg.

Já og svo er Ása með bloggsíðu: http://www.123.is/asasigurlaug/. En hvort þetta er sú sama og gaf þér tippið, það er svo auðvitað allt önnur Ella. En hún heitir reyndar Elín og býr í Hafnarfirðinum.

Nei, þetta er reyndar ekki téð Borgarfjarðarmær. En myndarleg engu að síður.