ég þyrfti að koma mér upp svona letistól!

Inga Hanna. Inga Hanna ÞÓ. Áttu ekki letistól? Ef svarið er já, þá er lausnin einföld. Þú bara verður að bjarga því. Minn er hinn hefðbundni Lati-strákur sem fæst í Húsgagnahöllinni. Ég keypti hann fyrir þremur árum og held að ég hafi eytt um þriðjungi af ævinni í honum síðan þá. Margir tebollar og margar bækur sem hafa horfið við setu í "húsbóndahorninu".

reyndar held ég að þetta sé skilgreiningarvandi.. og vandi við að kunna að sitja kyrr.

Veit hvað þú meinar. Ég glímdi við þennan sama vanda en losaði mig við hann af ásetningi. Og lífið er betra. Og ég latari.

að eiga svona stól ætti að flokkast undir mannréttindi. ég keypti mér lata-strák fyrir nokkrum árum og löngum stundum sit ég þar, prjóna, les...og hugsa

Ég las þrisvar í röð að þú hefðir lagst í stólinn með tebolla og kók.... skildi ekkert í þér :)

Ji minn. Fegurðarskyn mitt fer í hjartastopp - svona latastrákastólar eru hreinasti hroooooðbjóður! En ég stressast líka bara um...

Góður dagur!! Takk fyrir síðast ;-)

jú, vissulega eru latastráksstólar ljótari en Grýla með holdsveiki, en þægilegir og þénugir eru þeir. útlitið er ekki allt Barbí mín:)

Ég hef nú einhverju sinni - oftar en einu sinni held ég......- stolið blogginu þínu, þannig að nú ætla ég að stela lífinu þínu. Mættu bara með hárkollu og gleraugu niður í Iðnskóla á morgun, rífðu kjaft á pólsku og Litháísku og njóttu vel. Ég er hinsvegar farin að glamra á píanó og hvíla mig í latabæjarst.......nei, latastrákastól.

Ekki skil ég hvað yður finnst svo gott við þessa letistóla. Ég gerðist svo frægur af endemum að fjárfesta í svona húsbákni fyrir nokkrum árum, og greiddi með strauji til þriggja ára. Báknið var með innbyggðum bakriðli (ruggu) og rassaþeyti (snúningsfæti). Það eina sem ég hafði upp úr því að sitja í fyrirbærinu var að bakið versnaði og flest það sem brothætt var í íbúðinni stökk niður á gólf þegar forynjublá ófreskjan stökk á loft og sneri sér í allar höfuðáttirnar sjö við að einhver stóð upp út bákninu. Ég þakka pent fyrir mína IKEA kolla sem kosta 395,- stykkið. Báknið átti að fara í ruslið, en í staðinn gaf ég það manneskju sem mér var illa við.

Stress er fyrir fress en Mjása er læða. Lífið er gott. Eða saltfiskur. Man ekki hvort.

Draumastóllinn minn er bæði þægilegur og fallegur. LayZBoy En, (aumingja ég) ég hef ekki efni á honum enn. http://www.stokke.com/inuse.asp?div=M&na=UK&la=EN&p=Gravity&nr=01

Úh... that's more like it!

Línu vantar latan strák.. á nóg af stólum.

Hehe, Elín. Ég er viss um að nýríkir samlandar okkar slappa aldrei af nema hafa hjá sér góðan tebolla og kók :). Jújú, lötustrákarnir eru ekki fallegir. En ég fyrirgef mínum auðveldlega óguðlegan ljótleika hans. Hann er svo mjúkur og góður og elskar mig alveg jafn mikið og ég elska hann. Mjása, ég er fress (held að ekkert hafi breyst síðan ég leit síðast niður í sturtunni) en á þessu heimili er ekkert stress. Bara te og djass :). Pedro. Láttu mig vita þegar þú leggur inn pöntun. I want me some of that. Lína, vantar þig latan strák? Þú ert á röngum stað. Ef þig vantaði ofvirkan rauðhærðan píanista væri það allt annað mál, þá værirðu á hárréttum stað. Skal samt athuga hvað ég get gert, þekki nokkra lata. Sérstaklega með einn í huga.