Jæja, þá er það kennslustund.

24. mars 2006

The Happy Gay Toothbrushing Technique For The Harðsperrts And Otherwise Arm Challenged People®

Ég vil byrja á að nefna að mér finnst gott að vera nakinn þegar ég nota þessa tækni, en mér finnst líka almennt gott að vera nakinn. Kaþólikkar, harðlínufeministar, Gunnar í Krossinum og aðrir sem álíta líkamann viðurstyggilegt syndgunartól mega vera í fötunum.

Grípið þéttingsfast um skaft tannburstans með vörunum og smeygið honum á milli tannanna, með sömu varahreyfingu og notuð er til að innbyrða sérlega þrjóskt spagettí. Varlega, við viljum ekki setja tannaför í skaftið.

Nú þarf að finna hentugan stað á opnu svæði til að skorða burstann. Notið hugmyndaflugið við staðarval. Ég nota efra niðurfallið á vaskinum en það er líka hægt að nota kranann eða klósettsetuna. Sumum finnst gott að halda burstanum á milli hnjánna en það finnst mér bara ósmekklegur perraskapur.

Gætið þess að ganga úr skugga um að burstinn sé vel fastur. Skriðþungi höfuðsins getur náð allt að 19.000 kgm/s þegar maður er kominn í gírinn og orðinn æstur við burstunina og það er fátt hættulegra við slíkar aðstæður en laus bursti. Til eru skjöluð tilvik um rifnar kinnar, brotnar tennur og alvarleg höfuðmeiðsl eftir burstun. Þú vilt ekki enda á slysadeild með tannbursta standandi aftan úr hnakkanum, það kallar á óþægilegar augngotur og spurningar á biðstofunni.

Nú þarf að koma tannkreminu á burstann. Skrúfuð lok á tannkremstúbum eru erfið viðureignar og ef þú ert með eina slíka mæli ég með uppfærslu í nýrra módel með smelltu loki, t.d. Colgate Sensation Super Whitening Action. Til að ná tannkreminu úr set ég túbuna þversum upp í mig og kreisti með tönnunum en ég þekkti einu sinni stelpu sem gat tekið túbuna langsum og notaði kokið til að kreista hana. Ég sakna hennar. En það er önnur saga. Notið þá tækni sem hentar ykkur best.

Jæja, þá er útbúnaðurinn tilbúinn, nú hefst gamanið.

Það skiptir miklu máli að æfa sig í jöfnum og ákveðnum strokum, þannig næst bestur árangur. Þú verður að prófa þig áfram og finna þinn eigin takt, því umfram allt þarf þér að líða vel og frjálslega á meðan þú burstar, þvingaðir burstarar fá hausverk og vöðvabólgu sem getur leitt til dauða. Flestir byrjendur nota hálsinn og hrista höfuðið sem er ágætt, en þeir sem eru lengra komnir beita oftast öllum efri hluta líkamans. Með réttri æfingu er hægt að ná að klára allan munninn á innan við hálftíma, bara muna, galdurinn liggur í löngum, ákveðnum strokum.

Nú vitið þið allt um leyndardóma The Happy Happy Gay Toothbrushing Technique For The Harðsperrts And Otherwise Arm Disabled People Yessir®. Munið að bursta góminn og tunguna vel, það er oft þar sem mesti sýklagróðurinn leynist.

Góða skemmtun!

Tjáskipti

Flæðið