Lasagna með engifer, hvítlauk og chili

Einfalt, fljótlegt og bragðmikið lasagna.

Innihald

• 400g nautahakk
• 2 dósir maukaðir niðursoðnir tómatar
• 1 dós tómatkraftur
• 1 stór laukur, saxaður
• 1 bréf gott salami álegg (ca. 150g), smátt saxað
• 1 rauð paprika, smátt söxuð
• 4 hvítlauksgeirar, smátt saxaðir
• 1 chili aldin, smátt saxað
• 3msk saxaður engifer
• Ólífuolía
• Svartur pipar
• Salt
• Lasagna-plötur
• 200g rifinn gouda-ostur
• 50g rifinn parmesan-ostur (má sleppa, en er muuun betra með honum)
• 200g kotasæla

Aðferð

1. Hitið í olíunni lauk, salami, papriku, hvítlauk, chili og engifer þar til laukurinn er orðinn glær.
2. Takið laukblönduna til hliðar á pönnunni, brúnið hakkið og blandið því svo saman við.
3. Bætið tómötunum og tómatkraftinum útí og blandið vel.
4. Látið blönduna krauma á pönnunni við lágan hita í a.m.k. 30 mínútur, smakkið reglulega til með salti og pipar
5. Takið fram eldfast mót. Setjið til skiptis kjötsósu og lasagnaplötur (byrjið og endið á kjötsósu).
6. Þekið með Gouda osti, og svo parmesan-osti.
7. Bakið í 40 mínútur við 180°C (eða þar til osturinn er fallega brúnn).